বিস্কুটৰ কেক | Biscuit Cake Recipe in Assamese

এই ৰেচিপিটো ইংৰাজীতো উপলব্ধ (ক্লিক কৰিব)

বিস্কুটৰ কেক এটি অতি সহজ কেকৰ ৰেচিপি| নতুনকৈ কেক বনাবলৈ শিকা সকলৰ বাবে ই এটা সহজ ৰেচিপি| এই কেক বনাবলৈ যি কোনো বিস্কুট লব পাৰে| সকলোতকৈ ভাল কথাটো হৈছে এই কেক ৰৈ যোৱা বিস্কুটৰ গুৰিৰ পৰাও বনাব পাৰি| আমাৰ সকলোৰে বিস্কুট থোৱা টেমাটোৰ তলত বিস্কুটৰ ভঙা টুকুৰাৰ লগতে গুৰি বহুতো ৰৈ যায়, নহয়নে ? মই সেই গুৰিৰে এই কেক বনালো| আপোনালোকেও বনাব পাৰে| ৰেচিপি অতি সহজ| তলত ৰেচিপি দিলো -

বিস্কুটৰ কেক | Biscuit Cake Recipe in Assamese

📎Course : Dessert

📎Cuisine : Continental

🔪Preparation Time : 15 minutes

♨Cooking Time : 35 minutes
🕞Total : 50 minutes

INGREDIENTS:

1 কাপ বিস্কুটৰ গুৰি বা টুকুৰা
1/2 কাপ ময়দা
2 টা কণী
1/2 কাপ গুৰি চেনি
1/2 কাপ নিমখীয়া নোহোৱা বাটাৰ বা ৰিফাইন তেল
1 টেবুল চামুচ ক'ক পাউদাৰ
1 টেবুল চামুচ বেকিং পাউদাৰ

METHOD:

বিস্কুটৰ টুকুৰাবোৰ ভালদৰে গ্ৰাইণ্ডাৰত মিহিকৈ পিচি লব|
ডাঙৰ বাতি এটাত কণী ফেটি লব|
বাটাৰ বা ৰিফাইন তেল দি ভালদৰে মিহলাই লব|
এটিয়া বিস্কুটৰ গুৰি, ময়দা, বেকিং পাউদাৰ, চেনি আৰু ক'ক পাউদাৰ এবিধ এবিধকৈ ভালদৰে মিহলাই লব| চাব যাতে অকণো গোটা বান্ধি নাথাকে|
কেক বনোৱা পাত্ৰটো বাটাৰ বা তেল সানি লব|
এটিয়া মিশ্ৰনখিন ঢালি দিব|
আগতিয়াকৈ গৰম কৰি ৰখা অভেনত 180 ডিগ্ৰী টেমপ্ৰেচাৰত 30-35 মিনিট বেক কৰিব|
অভেন নহলে প্ৰেচাৰ কুকাৰটো বেক কৰিব পাৰিব|